Jou Bleddie Bad

Ek loop dikwels stukkies “conventional wisdom” raak wat vir my verby bizar is, wat ek net glad nie verstaan nie en wat op geen manier vir my enige logiese sin maak nie.  Dis sulke tye wat ek dink dat ek dalk per ongeluk op die verkeerde planeet gebore is.

Ons is besig met ‘n roadshow, ek en ‘n klomp manne.  So slaap ons elke aand in ‘n ander gastehuis.  En elke frickin’ keer word die kamer met die bad spesiaal gegee “vir die dame”.

Waar, o waar, kom die onnosel idee vandaan dat vroue bad en mans stort?  Whhhhhyyyyyyy?????!!!!!

Ek het al genoem dat ek nie bad nie.  Dit is vir my vreeslik grillerig om in jou eie stof en sweet te week.  En  enige ordentlike dokter sal jou vertel dat dit uiters ongesond is vir vroue om te bad – dis waar baie infeksies vandaan kom.  So hoekom – HOEKOM – dink mense vroue wil bad en nie stort nie?

EK SOEK NIE DIE FLIPPEN KAMER MET DIE BAD NIE!