Happy un-birthday to me!

Danksy die vyf mense wat op die ou end ‘n bydrae gemaak het tot die Koop-vir-Maeree-‘n-nuwe-kamera Fonds (asook die hoof van die huis se kredietkaart) het ek ‘n splinternuwe kamera.

Hier is een van die eerste foto’s wat ek met my nuwe kamera geneem het:

Die kar wat voor ons ingery het. Nommerplaat CJL 338 EC.

Nog bloed en binnegoed, enigiemand?

Vandag wonder ek oor baie dinge.

Ek wonder of “The Passion of the Christ” vir Mel Gibson ‘n nuwe voorliefde vir bloed en binnegoed gegee het.

Ek wonder of die akteurs van Apocalypto maar mense is wat in Hollywood rondhardloop.

Ek wonder watter taal praat hulle in Apocalypto.

Ek wonder hoekom Gibson dié fliek gemaak het.

Ek weet ek kan hierdie inligting seker êrens in cyberspace opspoor, maar ek is nie nou lus nie.

Kristen

Hierdie post hou verband met hierdie een.
Connect the dots. . .

Lessie

Wanneer jy iemand op ‘n selfoon skakel en jy ontdek dis die verkeerde nommer, vra om verskoning en sit die telefoon neer. Jy mag dan nog een keer weer die verkeerde nommer skakel, net om seker te maak jy’t nie dalk die knoppies verkeerd gedruk nie. Maar jy mag nie nog veertig keer dieselfde nommer skakel nie.

Verder, as die persoon wat die telefoon antwoord vir jou sê hulle is nie die Ocean Basket in Nelspruit nie, glo hulle. Maak nie saak hoeveel keer jy vir hulle sê hulle is die Ocean Basket in Nelspruit nie, hulle gaan nie ewe skielik in die Ocean Basket in Nelspruit verander nie.

Ek kan my oë nie afhaal nie

Die hoof van die huis het ‘n nuwe bril gekry. Baie sexy. (Ongelukkig kan ek nie ‘n foto plaas nie, aangesien nog net twee mense ‘n bydrae gemaak het tot die Koop-vir-Maeree-‘n-nuwe-kamera Fonds.)

Wat bietjie afbreek doen aan sy nuwe sexy look, is sy nuwe gewoonte om aanhoudend te sê: “Ek is soos die Son: Ek Sien Alles.”

Sug. So word ek gefolter.

Voorneme

Ek gaan voortaan probeer om nie skuldig te voel oor goed wat ander mense my aandoen nie. Dis dieselfde siek sindroom wat veroorsaak dat mense wat verkragting oorleef, dink dit was op ‘n manier hulle skuld. Of hoekom mishandelde vroue dink hulle verdien dit.
Vandag begin my bevryding. As ek gedoen het wat ek moes en wat ek kan, gaan ek nié skuldig voel oor ander se verwagtings nie. Ek gaan nie die leuens wat ander vir my oor my vertel, glo nie. Ek mag mishandel word, maar ek is waaragtig nie ‘n slagoffer nie.

Gril

Spesiaal vir Lammervanger.