Archive for November, 2007

Vat voor

picture1.jpgMôre is Internasionale Vigsdag. “4.3 million people were infected with HIV in 2006 – the highest ever in one year. Momentum is growing to reverse this trend, led by those most affected. Follow their example – take the lead.”

Ek kry elke jaar ‘n briefie in die pos van die Verenigde Nasies se worldaidscampaign. Daarin is gewoonlik ‘n paar plakkate en magdom inligting. Vanjaar was daar ook ‘n klomp video’s. Video’s soos dié:

Advertisements

November 30, 2007 at 12:54 nm 1 comment

Maeree spring op elke bandwaggon wat verbykom

starry_witch__s_hut_by_yagak.jpg

Ek ken nie veel Sataniste nie. Ek het wel een vriendin wat ‘n satanis was en nou ‘n Christen is. Sy’s nie skaam oor haar verlede nie en sy dink nie dis weird dat sy ‘n satanis was nie. Maar sy’s Sweeds.

Ek weet wel tweedehands enkele goed oor Satanisme. So weet ek bv. dat satanisme, paganism en die sogenaamde “New Age” (is daar regtig nog mense wat glo dat daar so ‘n godsdiens bestaan?) nie dieselfde ding is nie. Meeste pagans glo nie eers in die konsep van boosheid of selfs ‘n godheid nie. Hekse is nie sataniste nie.

Verder weet ek ook dat sataniste nie die duiwel van die Christendom aanbid nie. Soos enige godsdiens/filosofie (is Confucianisme ‘n godsdiens?) is daar baie verskillende vorme van Satanisme. Die vorm waarvan ek weet, is ‘n filosofie van hedonisme wat vryheid van reëls verkondig – dit is gewoonlik ook ateïsties. Hulle offer nie katjies nie en hou nie orgies nie. (Okay, dalk doen hulle laasgenoemde. Ek weet nie.)

Ek het dit nie gelees nie, maar uit ervaring van die moeder-site sal ek veronderstel dat hierdie ‘n goeie oorsig gee van wat Satanisme regtig is. Nie dat enigiemand omgee nie, want die idee van mense wat op Halloween katjies offer en kerkgeboue infiltreer om vloeke oor weerlose Christene uit te spreek , is baie meer opspraakwekkend.

November 28, 2007 at 6:23 nm 5 Kommentaar

Seepdoos

Kyk, as mens jouself* – al moan-moan – bekendstel, dan mag jy maar kla en skel.

(ek ken hierdie ou persoonlik, maar ek is nie aanspreeklik vir enigiets wat hy kwytraak nie.)

*As jy te blind is om te sien die “so” is ‘n link, gaan kyk by www.oordose.wordpress.com

My work is done.

November 28, 2007 at 10:04 vm 2 Kommentaar

Random

but_youre_not_here.jpg

Almal weet reeds alles, maar aangesien Oopkop vra, sal ek probeer verras:

1.  Ek het ‘n gratis Green Card in ‘n Green Card Lottery gewen en kan dus in die VSA gaan woon (sê my rekenaar elke keer as ek www. findarticles.com besoek).  Ek wil nie in die VSA bly nie.

2.  Ek is nie so nice soos wat meeste mense dink nie, maar nicer as wat dié wat my goed ken, dink.

3.   Ek swot al sedert 1993 en het steeds nie ‘n meestersgraad nie. (Ek het uiteindelik iemand gekry wat my sal toelaat om die M te skip en onmiddelik met die D te begin).

4.  Blog is nie meer vir my so lekker nie.

5.  Ek hou nie van bad nie.  Die idee van in jou eie gemors lê laat my gril.

6.  Ek is verslaaf aan CSI (die Miami weergawe is nie CSI nie).  Ek was besig om CSI te kyk toe ek die tand in die boerewors gevind het.

7.  Ek kyk soms SpongeBob SquarePants en Aaahh!!! Real Monsters.

8.  Ek dink alle Christene en ander goeie mense behoort sosialiste te wees.

November 27, 2007 at 2:02 nm 4 Kommentaar

Ek is so bly ek woon in Afrika, want

hier by ons loop die olifante in die strate.

November 21, 2007 at 10:51 vm 6 Kommentaar

‘n Tand in my boerewors

tand.jpg

Plaas ek vir Bertus! geluister het!

November 20, 2007 at 1:41 nm 11 Kommentaar

Jeugweerbaarheid

kindsienak47.jpg

Teen die mure was daar groot rooi plakkate met kopieë van allerhande soorte bomme. Elke af en toe het ons “weerbaarheidsoefeninge” gehad.  Een lang lui van die klok en ons het stil en vinnig na die saal beweeg. Drie kort luie en ons het onder ons banke ingeduik met ons vingertjies oor ons monde, rustig in die wete dat die terroriste se bomme niks aan ons kon doen onder die banke nie.

Die Hoof van die Huis vertel as jy besef jy gaan nie betyds van ‘n handgranaat wegkom nie, jy wegduik met jou voete na die handgranaat. Hopelik beskerm die skoensole jou teen enige skrapnel.  So-nie is dit jou voete wat weggeblaas word, ten minste nie jou kop nie.

Hy beweer ook dis hoekom ons so aggressief is: ons was ‘n militêre volk. Almal was ons vyande, almal was daarop uit om ons te kry.

En ons het gedink dis normaal.

Vandag wonder ek oor al die kindertjies in Irak, Lebanon, Sudan en Amerika, wat ook leer dat vrees en haat normaal is.

November 15, 2007 at 3:53 nm 9 Kommentaar

Older Posts


Feeds